Կողմերի և նրանց իրավապաշտպանների կողմից կնքված "Մասնակցության պայմանագիրը" սահմանում է կոլաբորատիվ ամուսնալուծության հիմնական սկզբունքները: Դրանք են.

- կողմերի պահանջներն ու իրավունքները պետք է պաշտպանվեն ոչ-հակամարտային ռազմավարության ոճով` կիրառելով շահակենտրոն բանակցությունները,

- կողմերը պետք է վստահեն իրենց իրավապաշտպաններին, որպեսզի աջակցեն նրանց համաձայնության հասնելու գործում,

- կողմերը պետք է գործեն ելնելով իրենց երեխաների շահերից` աշխատելով հնարավորինս նվազագույնի հասցնել ծնողների բաժանությամբ պայմանավորված` երեխաների հուզական ապրումները,

- գործընթացի շրջանաներում տարվող հաղորդակցությունը պետք է լինի կառուցողական և պատշաճ,
- գործընթացին կարող են ներգրավվել նաև չեզոք մասնագետներ:

Կոլաբորատիվ ամուսնալուծության ամենակարևոր տարրերից մեկը նա է, որ իրավապաշտպանները ողջ աշխատանքային թիմի հետ մեկտեղ, որի մեջ մտնում են նաև հոգեբաններ,  իրականացնում են հուզական և միջանձնային բնույթի խնդիրների ստեղծարար և կառուցողական կառավարում:

"Ամուսնալուծություն առանց սթրեսի" համալիր ծառայությունը
"Հիլֆմանն" հոգեբանական ծառայության "Ամուսնալուծություն առանց սթրեսի" կոլաբորատիվ ամուսնալուծության համալիր ծառայության թիմը համագործակցում է Լեգալ Էքսպերտ իրավաբանական գրասենյակի հետ: Թիմի մասնագետները գործում են համագործակցային սկզբունքների,  թերապևտիկ իրավաբանության սկզբունքների հիման վրա: Թիմում ընդգրկված մասնագետները (իրավաբաններ, հոգեբաններ և տնտեսագետներ) օգնում են կողմերին լուծել բոլոր տեսակի տարաձայնությունները կառուցողական և ստեղծարար ձևով` առանց "իրենց ետևից բոլոր կամուրջները վառելու":

Թիմի իրավապաշտպանները իրացնում են գործընթացի իրավական կողմը, տնտեսագետները` օգնում են համաձայնության գալ ունեցվածքի բաժանման հարցերում, իսկ հոգեբանները` մասնագիտական աջակցություն են ցուցաբերում թե կողմերին, և թե թիմի անդամ մյուս մասնագետներին:

Լրացուցիչ տեղեկությունների համար խնդրում ենք կապվել "Հիլֆմանն" հոգեբանական ծառայության Իրավաբանական/դատական հոգեբանության բաժանմունքի հետ` FPD@hilfmann.com էլեկտրոնային հասցեով  կամ դիմել հիմնական կոնտակտային միջոցներով: